Cewok

#Banyumasan

Adoh anak bojo...

Pengine nek nelpun mengumah isine ngobrol sing nyenengna men kangen ora nemen-nemen gawe ati pating srenit. Tapi genah duwe anak persis rama biyunge plek, ya kepriwe maning nek nyatane nelpun malah gawe reang. Nembe ngobrol sedela wis pada gelut rebutan hape ora gelem gentenan.

Apa maning nek nelpun sore-sore. Wis mesti mamake tepleng reang anake wadon ora gelem adus nek ora karo ramane. Anak wadon pancen mbuh kepriwe malah lulut meng rama. Kabeh-kabeh kayanu ngetutna ramane ngasi urusan nguyuh barang. Wong anak lanang be wis pinter nek nguyuh ndodok, mbekayune malah ngadeg.

Janjane biyunge sing mandan ora beres. Nek pas lagi nangumah, anak wadon njaluk apa kon meng ramane alesane sibuk ngurusi anake lanang. Kebiasaan apa-apa rama, dadine repot basan ditnggal embret adoh kaya kiye.

Tapi arep nolak ya ora tegel. Masa iya anak gawene bareng-bareng, nguruse ora gelem bareng. Tau sih sepisan anake ngising, nyong ngomong bebeh nyewoki. Ealah mamake tepleng gole semaur, "mumpung esih cilik lah. Ngesuk wis gede masa gelema dicewoki ramane..."

Yawislah...

Wong urip pancen wis kudune kaya kuwe

Anake njaluk dicewoki ya kudu gelem nglakoni

Wong nek biyunge njaluk be sregep gole nglakeni