Ketemu Anake Lanang

#Banyumasan

Bali cuti siki ana sing gawe bungah. Anake lanang sing wis meh 2 taun ora ketemu ngerti-ngerti ndongol nang Jogja karo mbaeh.

Uti mandan pekok pancen

Ngerti suwe ra ketemu gole ngabari ora ket wingi-wingi. Isuk-isuk lagi mulai sibuk mberesi umah sing anyar pindahan ana sms si Adi meng Jogja. Ya mandan pecicilan gagean nusul meng Taman Pintar.

Anu melu rombongan plesir sekolahan mulane ora bisa suwe-suwe gole ketemuan. Mung setengah jam tapi lumayan bisa go tamba kangen. Apa maning adi-adine langsung pada nempel meng kakange. Ncit pancen tau ketemu tapi kan esih biyen cilik. Si Ncip sing babar blas rung tau weruh be bisa terus kraket. Si Adi ya ketone ora kagok dolanan karo adi-adine.

Anake lanang wis tambah duwur tapi ya kuwe geringe juga nambah kaya ora tau diempani. Wateke ya esih ajeg. Ora ngerti ramane lagi kangen, tetep bae ora teyeng dejak ngobrol liane. Pokoke nek ketemu rama sing diomongna mung komputer karo gim. Ora nana tema sing lewih maen ketimbang njaluk laptop apa komputer anyar sing lewih mantep dinggo ngegim. Jiaan...

Anyar pindahan dompete lagi kempes pes, akhire mung disemayani mengko ngenteni gajian. Bocah pinter disemayani ya tetep nawar. "Hardisk eksternale go Adi ya..."

Ngerti bae nek hardiskku isine gim tok. Sebab wektune mepet sidane disita di tempat. Gim-e sih ora papa gampang donlod maning. Sing dadi pikiran aku ra sempat ngecek hardisk ana pilem sarune apa ora koh..?

Kepiwe jal nek critane kaya kuwe..?

Intine

Ya bungah teyeng ketemu anak lanang

Soal isi hardisk anggep bae force majoure

Salah ninine ikih ngabari ndadak...