Howalah Bocah

#Roaming

Sore-sore mamake tepleng ngabari nek si Ncit mlebu UGD. Pancen bocah nlithis dolanan kembang mbuh apa wijine segede jagung dilebokna irung ra teyeng metu. Degawa meng rumah sakit PKU sebelah umah jere ora sanggup. Sidane degawa meng Bethesda sing alate lewih kumplit.

Mamake uga ngabari nek hapene ketlingsut. Sapa maning sing duwe polah nek udu anake lanang. Pancen bocah sregep tur resikan. Apa bae nek ora dikumbah nang mesin cuci ya delebokna meng wadah runtah.

Sapa sing ora mumet, ngasi jam 9 bengi ana kabar kan ngumah. Hapene ditelpun sih aktip tapi ora diangkat sing artine urung ketemu apa anu esih nang rumah sakit.

Nyong sih percaya nek mamake wonge tenang ngadepi masalah. Sing nyawang sing pikirane ora genah. Mikir wong wadon dewekan nyupir nggawa bocah kenang masalah mawi bocah sing sijine ora teyeng anteng.

Sidane nelpun lilike njaluk tulung tilikna mengumah wis bali apa urung. Ora let suwe terus ana telpun mlebu jebul kan mamake. 

Sempat mandan mbedhedheg meng mamake. Wong ditakoni hapene wis ketemu apa urung malah semaur, "rika maning. Bocah nang rumah sakit malah mikiri hape..."

Lha wong adoh nang paran. Anak nang rumah sakit ngasi pedhot kabar, mbok rasane ora nggenah banget.

Tapi ya wis lah...

Sing penting si Ncit ora ngapa-ngapa malah wis turu. Kae bocah pancen pecicilan kaya ramane tapi wateke anteng kaya biyunge. Lagi mriyang apa ngrasakna lara arang ngasi tau rewel.

Suwun ya, bu...

Wis ngurus bocahan kanti temenan

Mbuh kudu kepriwe gole ngomong matur suwune...