Prawan Kalimantan

#Banyumasan

Jenenge Maryanto

Tapi nyong nyeluke Yanto. Deweke wong Jojok Kampung Laut, nang kene ngode dadi bagian elektrik pelabuhan tongkang.

Kaya umume wong Clacap, polah-polaeh persis Kaki Pacul. Apikan karo tangga tapi ndableg tur prangas-prenges.

Nggal sore isine mung reang njaluk bukakna blokiran yutub. Jarku anu arep ndeleng National Geographic apa CNN. Jebul mung arep dangdutan sinambi ngemut danggoreng. Lewih apes maning, favorite tembangane Didi Kempot sing judule Prawan Kalimantan.

Mulane nyong sok mikir, memper-mempere deweke lagi tergemblung-gemblung prawan kene. Soale kan cara ngomonge sok melu-melu kaya tembangan kuwe. Nyampur-nyampur basa Jawa kambi basa Banjar sing pancen mandan mirip-mirip. 

Wong Banjar nyebut nyong kuwe ulun, persis artine karo basa Jawa lawas. Kowe nangkene disebut piyan, ndeyan kang tembung sampeyan nang basa Jawa.

Si Kepribendotcom sering banget ngomong kaya kuwe. Jarku anu lagi dandan listrik. Jebule lagi ngaraih cacing sinambi ngalamun sing kanan-kanane apa kiri-kirine ndeyan mbayangna prawan Kalimantan sing kaya artise Monata.

Ulun menek piyan...

Ulun menek piyan...

Sekarepmu lik...

Dangdutan maning baen njuh lah...

Intine

Wong Clacap pancen eksotis

Mengdi paran wateke ora nganggo rubah

Merakyat, merakati, kadang merakatak...