#Banyumasan
Malem mingguan pengine represing. Tapi berhubung tanggal tua ora duwe modal go meng kota, sidane merad menggone kanca sing umaeh nang pinggir alas.
Ngerti dewek Indonesia Raya kaya ngapa. Mangan turu nang duwur batubara tapi listrik be ora ana. Isi bumine entek dikeruk, kasile diboyong go PLTU nang Jawa. Pulo Jawa padang jembrang, sing duwe batubara kudu nrimakna urip petengan modal teplok.
Weruh teplok gemantung, nyong dadi kelingan jaman cilik. Nggal sore kebagian tugas ngiseni lenga karo ngelapi torong teplok.
Mbuh merga teplok larang apa angel goletane. Seumah teplok mung loro dipasang nang ruang tengah kambi ruang tamu. Liane cukup nganggo senthir.
Mulane ngenes nek kelingan jaman semana. Sinau kudu nyureng-nyureng matane. Digawe padhang, kebule dadi ora patut. Isuk-isuk kudu sregep ngupil nek ora pengin cungure ganti wujud dadi pawon.
Intine
Puluhan tahun ora tau weruh teplok, bisa nemu maning rasane ngati malah dadi ora genah. Antara seneng bisa ngeling-eling jaman ora enak. Sekaligus nlangsa, jaman jerene wis modern koh esih ana dulur sing teplokan...
nang nggonku teplok wis punah kang ,wis ora ana sing dodol lenga tanah sih ..
BalasHapusmakane nlangsa deneng nang kalimantan esih akeh
Hapuspadahal lenga ya larang
nganggo woh jarak dibakar wae...lumayan padang kok...
Hapusbiasane tah bakaran ban bekas nitor nang bengkel,sekalian nggo nggurah lemud ...
Hapusjarak ora ana nangkene
Hapusnek ban bekas akeh hehe
nggonku gemiyen nganggo petromak...nek wis mbleret di duna dipompa maning..
BalasHapusbiyen petromax siki pertamax ya
Hapussaiki nek ning jawa nggolek teplok angel. lengone yo wis larang banget.
BalasHapusnang kalimantan lenga 10ewu seliter...
Hapussama di Riau juga 10 ribu, malah kadang 12 ribu---biasa kalau ada hajatan tetangga, suka masak pake kompor minyak, biar masak-nya bisa sambil jagongan...
Hapusgolet suluh bae sih bu...
HapusTeploke mung loro, mergakne yen di pasangi telu njeglek breaker-e...
BalasHapushaha koclak kowe lik...
Hapusnek kemutan biyen sedih ya lik
BalasHapustapi nek di rasake yo enak wae
iso nggo cerita anak putu :)
saya yang masih muda (ciee...ngaku muda) juga ngalami pake diyan teplok waktu tahun 84-89...hidung jadi item-item
Hapushahaha generasi tua esih pada gengsi pengin nom terus...
HapusOh, jebule wong jawa kabeh nang kene ya ?
BalasHapustelaiya koh...
HapusKepulauan Riau dg SDA berupa gas yg luar biasa banyaknya, terutama di blok Natuna, namun terpaksa masih byar-pyet, Batam setiap hari mati lampu, demi Singapura yang dijamin pasokan listriknya cukup, jangan sampai Singapura mati listrik.
BalasHapusPiye ki jal, isih dijajah secara ekonomi karo bolo dhewe sing ngembat duit hasil pengolahan SDA.
betul banget Mas...di luar komplek kami, PLN sering mati listrik...bersyukur yang tinggal di dalam komplek, listrik langsung dari pabrik dan jarang mati. Gas 12 kg harga normal kan 74 ribu, tapi di tempat tinggal kami 110 ribu...padahal Riau ini kaya gas tho...anehnya negeriku...
Hapuslah mbuh lah nek ngomongna negara kiye hawane koh kayanu rajaban baen...
Hapuskayane saiki ngkene lenga tanah jarang ume.. -__- paling nganggo lilin toli sak iki wes ana lampu cargeran.
BalasHapusjaman wis kepenak kon
Hapusmulane sing sukur ora rekasa kaya nang alas...
dirumah ortuku masih ada lampu teplok mas, jaga2 buat mati listrik
BalasHapusapa tesih ana lenga tanah..?
HapusTrus...Android kalau batreinya habis mau di charge pake apa coba?
BalasHapusCkakakakakakak....
digarang nduwur pawon haha
Hapustorong teplok, nang ndesaku jenenge SEMPRONG Pak Raw...
BalasHapustorong semprong pada baen lah...
Hapusitu kalau di tempat saya namanya damar,, tapi sekarang udah gak pernah di pake lagi :D
BalasHapusdamar dian senthir ya pada baen kuwe...
Hapusngekek dewek moco tulisan ini,,dadi kemutan inyong dewek jaman cilik mbiyen
BalasHapusitu deneng pada ngalami jaman rekasa kabeh..?
HapusPancen nek kelingan teplok rasa ne ngenes. aja ngasi lah umah ku ngemben nganggo teplok, cukup umaeh rama ku bae sing ngalami lampu teplok.
BalasHapusaja teplokan
Hapusnganggo senthir baen ya..?
iya ya kang dadi eling jaman gebiyen, tapi sekiye rega teplok kang di deleh ana tengah ruangan kae dadi mandan larang kalebu barang antik, aku golet marang pasar klitikan bae regane selangit, tuku sik model sekiye katone ora apik kaya kue.....hhhheee
BalasHapussiki malah aneh
Hapuswujude teplok tapi isine lampu listrik...