Aja Jail

#Roaming

Dina minggu udan ra leren-leren. Sidane mlungker nang kamer sedina med ngasi jeleh. Arep ngeblog ora kepenak ngetik kambi turon. Nonton pilem mblenger ora duwe stok anyar. Macani brita pada baen, isine mung banjir mbi banjir...

Arep nulis soal banjir, anu cuaca adem kaya kiye mbok malah menggok. Apa maning rung tau ngalami dewek dadi korban banjir. Meksa crita mesti penghayatane kurang. Kecuali kon crita banjir lokal lah mesti bukete pol.

Nek mung rekasa gara-gara banjir sih sering. Jaman dadi tukang serpis keliling, adoh-adoh marani konsumen jebul ra teyeng liwat. Bali tanggung rung olih duit, ora bali arep ngapa. Sing lewih ngesuih nek lagi ngiyub nang perko malah ana mobil ngebut. Ya muncrat gejebur kabeh.

Tau saking kesueh mobile tek uber. Keton mobile mandeg nang prapatan bangjo, langsung nyiapna idoh seakeh-akeeh. Mandeg nang sandinge trus nothok jendela. Bareng jendelane dibukak, tek idoih nganggo energi sing kayane ora kalah kambi semprotan sanyo simitsu.

Dasar anu jail kuwe ora maen

Bar kuwe nyong malah dadi misuh-misuh dewek. Mbecir meng pinggir dalan gagean mbukak helm. Idoh sekabupaten dikumpulna kabeh go bales dendam, malah klalen helm cakile ora dibukak.

#Ndaskulah...

Intine

Arep kondisi kaya ngapa baen, aja cokan jail methakil

Kecuali kepepet...

gambar nyolong kan gugel