Mbuang Hape

#Roaming

Paling kesuh nek ana kanca sekamar sing kebluk nyetel alarm. Brisik nggugaih wong turu tapi sing duwe ora tangi blas. 

Sing kaya kuwe biasane wong anyaran teka. Wong lawas sih wis apal watekku. Nek pengin tangi gasik biasane ngomong, "kang nyong gugah jam semene ya..."

Dasare nyong pancen doyan melek. Nggarap gawean bengi butul esuk wis go pedinan. Trus, arep turu ket jam 7 sore apa jam 4 subuh, jam 6 isuk mesti tangi nguripi letop ngecek kondisi jaringan, server dll. Nek aman dilanjut mlungker maning. Nek ana masalah, berarti nasib lagi apes kudu gagian ngurus gangguan sedurunge wong kantor pada teka.

Wis suwe ra ana korban, mau isuk kedadean maning. Lagi enak adem grimis-grimis kemulan, ana hape brisik alarme bola-bali moni tapi ora nana sing menyat. Langsung baen ceg weeerrr... hapene mabur mbuh mengdi. Ora urusan ora urunan sing penting teyeng turu maning. 

Nek wani protes hapene rusak tek sampluk sisan. Ora rumangsa temen deweke sing njarag perkara. Selarang-larange hape kayane tesih kuat nyong utang-utang. Tapi soal kenikmatan tidur, arep utang kepriwe jal..? Mending nek nangumah. Butuh obat tidur gari nlesep meng jero kutang mamake tepleng.

Maune sih adem ayem bae duwe kebiasaan kaya kuwe. Mandan kepikiran mbasan mamake tepleng nelpun. Laporan nek remote proyektor ilang. Ditakoni deneng ngasi ilang jawabe, "anakmu lanang senenge mbuangi apa-apa meng dalan. Mbuh ping pira hape ketemu nang solokan njaba pager apa nang wadah runtah. Nek ra konangan ya bablas ndean..."

Sihlah...

Itu deneng...